Ma’lumotlarga ko‘ra, 3-noyabr kuni Ostona shahrida bo‘lib o‘tgan Turkiy davlatlar tashkiloti (TDT) sammitidagi chiqishida Rejep Tayyip Erdo‘g‘an turkiy davlatlar uchun yagona alifbo yaratish tashabbusi bilan chiqdi.  Bu haqda mahalliy nashrlar xabar bermoqda.

“Birligimizni mustahkamlashda til juda muhim. Yagona alifbo ham muhim tarkibiy qism bo‘lib, bu yerda prezidentlarning qo‘llab-quvvatlashi muhim. Turkiya Oliy ta’lim kengashi tomonidan tashkilotimiz kotibiyatiga kiritgan taklif, ishonchim komilki, tashkilotimiz tomonidan ko‘rib chiqiladi”, — deya ta’kidlagan Erdo‘g‘an.

Eslatib o‘tamiz, 2022-yilda ham TDT qoshida yagona alifbo yaratish bo‘yicha komissiya tuzilgandi. Komissiyaning ilk yig‘ilishi shu yilning mayida Ostona shahrida o‘tkazilgan.

• Taklif
• Turkiy davlatlar tashkiloti
• Turkiya
• alifbo