Turkiya prezidenti Rajab Toyyib Erdo‘g‘an Istanbulda Falastinning XAMAS radikal harakati Siyosiy byurosi rahbari Ismoil Haniyani qabul qildi. Bu haqda “ТАСС” xabar berdi.

Matbuot uchun yopiq eshiklar ortida o‘tgan uchrashuvda G‘azo sektorida o‘t ochishni to‘xtatish, Isroil bilan garovga olinganlarni almashish va Falastin anklaviga gumanitar yordam yetkazish masalalari muhokama qilindi, deb ta’kidladi “TRT Haber” telekanali.

XAMAS rahbari bundan oldin Turkiyaga bir necha bor tashrif buyurgan va Erdo‘g‘an bilan uchrashgan.

Erdo‘g‘an 17-aprel kuni parlamentda so‘zlagan nutqida, XAMASni terrorchi tashkilot deb hisoblamasligini yana bir bor ta’kidladi.

Shuningdek, u harakatni 1918-1922-yillarda Turkiya Respublikasining 1923-yilda e’lon qilinishiga sabab bo‘lgan milliy ozodlik urushi paytida Anadoluda faoliyat yuritgan Quvayi Milliye ko‘ngilli kuchlari bilan qiyoslagan.

• Erdogʻan
• Falastin