AQSh Moliya vazirligi xabariga ko‘ra, mamlakat mustaqilligining 250 yilligi munosabati bilan yaqin orada chiqariladigan dollar kupyuralariga moliya vaziri bilan birga prezident Donald Trampning imzosi ham tushiriladi. Tarixda ilk bor amaldagi prezidentning imzosi Amerika valyutasida paydo bo‘ladi. Shu paytgacha banknotlarda an’anaviy ravishda g‘aznachi imzosi bo‘lgan. Yangi kupyuralarda esa u olib tashlanadi, bunday o‘zgarish 165 yilda birinchi marta yuz bermoqda.

Reuters xabariga ko‘ra, yangi imzo tushirilgan dastlabki 100 dollarlik kupyuralar joriy yilning iyun oyida bosib chiqarila boshlanadi, keyinchalik bu o‘zgarish boshqa banknotalarga ham tatbiq etiladi.

• AQSh
• Dollar
• Tramp