Avvalroq, Eron Turkiyaga ballistik raketa uchirgani haqida xabarlar tarqalgan edi. Turkiya Mudofaa vazirligi Erondan uchirilgan ballistik raketa Turkiya havo hududiga kirib, NATO havo hujumidan mudofaa tizimlari tomonidan tutib olinganini ma’lum qildi.

Ta’kidlanishicha, Gaziantep shahri yaqiniga raketa qoldiqlari tushgan, ammo qurbonlar qayd etilmagan.

Vazirlikning yozma bayonotida aytilishicha, qaror mintaqadagi so‘nggi voqealar fonida qabul qilingan. “Shimoliy Kipr Turk Respublikasi xavfsizligini bosqichma-bosqich ta’minlash rejasi doirasida mintaqamizdagi so‘nggi voqealarni hisobga olgan holda, bugundan boshlab KKTR hududida oltita F-16 qiruvchi samolyoti va havo hujumidan mudofaa tizimlari joylashtirildi. Vaziyatni keyingi baholashga qarab, zarur hollarda qo‘shimcha choralar ko‘riladi", - deyiladi bayonotda.

• Eron
• Turkiya