Twitter ijtimoiy tarmog‘i foydalanuvchilarning shaxsiy ma’lumotlarini oshkor qilgani uchun 150 million dollar jarima to‘laydi. Bu haqda AQSh adliya vazirligi va federal savdo komissiyasining (FTC) qo‘shma bayonotida so‘z boradi.
Bayonotda ta’kidlanishicha, AQSh rasmiylari Kaliforniya shimoliy okrugiga tegishli daʼvo bilan murojaat qilgan. Ularning so‘zlariga ko‘ra, 2013-yilning mayidan 2019-yilning sentabrigacha Twitter ma’muriyati foydalanuvchilarnining maxfiy ma’lumotlaridan foydalanish borasida noto‘g‘ri yo‘l tutgan.
Xususan, gap Twitter o‘z foydalanuvchilarining telefon raqamlari va elektron pochta manzillarini reklama beruvchilarga oshkor qilgani, bu esa foydalanuvchi shartnomasida ko‘zda tutilmagani haqida ketmoqda.
Rasmiylarga ko‘ra, Twitter FTCning 2011-yildagi foydalanuvchilarning shaxsiy ma’lumotlarini himoya qilish to‘g‘risidagi qarorini buzgan. Bundan tashqari, AQSh hukumati Twitter foydalanuvchilarning shaxsiy maʼlumotlarini himoya qilish boʻyicha Yevropa Ittifoqi va Shveysariya bilan tuzilgan AQSh kelishuvlari boʻyicha majburiyatlarini buzganini taʼkidlamoqda.
Qayd etilishicha, Twitter 150 million AQSh dollar jarima to‘lash, shuningdek, foydalanuvchilarning shaxsiy ma’lumotlarini himoya qilish bo‘yicha kuchaytirilgan choralarni joriy etishga rozi bo‘ldi. Endilikda kompaniya va da’vogarlar o‘rtasida tuzilgan kelishuv sud tomonidan tasdiqlanishi kerak.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!