Bugun, 4-mart sanasida Oʻzbekistonda davom etayotgan 20 yoshgacha boʻlgan futbolchilar oʻrtasidagi Osiyo Kubogi—2023 2-turida Oʻzbekiston Iroq bilan roʻbaroʻ keldi.

Vakillarimiz uchun qiyin kechgan bahsda Poʻlatxoʻja Xoldorxonovning 17-daqiqada kiritgan goli Oʻzbekiston terma jamoasiga gʻalaba keltirdi.

Birinchi boʻlim soʻngida Shahzodbek Rahmatullayev qizil kartochka olib, maydonni tark etdi.

Qolgan daqiqalarda oʻzbekistonliklar bir kishi kam boʻlib harakat qildi va oʻyin soʻnggigacha darvozalar ishgʻol qilinmadi. Shu tariqa Ravshan Haydarov shogirdlari pley-off yoʻllanmasini qoʻlga kiritdi.

Guruhning narigi oʻyinida Indoneziya yoshlari Suriya ustidan minimal hisobda gʻalaba qozondi.

Shuningdek, B guruhida Vyetnam Qatar ustidan 2:1 hisobida zafar quchdi.

U-20 Osiyo Kubogi—2023 | 2-tur

Iroq U-20 — Oʻzbekiston U-20 0:1

Gol: Poʻlatxoʻja Xoldorxonov 17ʼ

• Futbol
• Osiyo Chempionati
• O‘zbekiston
• U-20