Ushbu sanksiyalar umumiy hisobda 147 nafar jismoniy va 303 nafar yuridik shaxslarga qaratilgan. Hujjatlarga ko‘ra, sanksiyalar 10, 5 yoki 3-yil muddatga - Rossiya, Kipr, Shveysariya, Buyuk Britaniya, O‘zbekiston va Belarus, Germaniya, Avstriya fuqarolariga nisbatan qo‘llanilgan.

Ukraina cheklovlari sanksiyaga tushganlarning aktivlarini blokirovka qilish, litsenziyalarini bekor qilish, Ukraina hududida tranzit va savdo operatsiyalarini cheklash, xususiylashtirish va davlat xaridlarini taqiqlashni o‘z ichiga olgan.

Ro‘yxatda asli o‘zbekistonlik oligarx Alisher Usmonovning USM kompaniyalar guruhi top-menejerlari — Nozim Efendiyev, Vaxtang Kocharov va Valeriy Kazikayev, shuningdek, Usmonovning rafiqasi Irina Vinerning o‘g‘li Natan Viner ham joy olgan.

Ma’lumotlarga ko‘ra, Rossiya prezidenti ma’muriyatiga yaqin bo‘lgan bir necha shaxslar saknsiyadan joy olgan. Shuningdek, ro‘yxatda Rossiya, BAA, O‘zbekiston, Kipr, Turkiya, Xitoy va Maltaning qator kompaniyalari bor.

Sanksiyalar ro‘yxatiga: kosmetika ishlab chiqaruvchi Faberlic, qandolat fabrikalari Rot Front, Red October, Babayevskiy, Guta group, Lennord qurilish kompaniyasi, Positive group va boshqalar kiritilgan.

Cheklovlar Alisher Usmonov biznes imperiyasi firmalaridan: MegaFon, Metalloinvest, USM Telecom, sement zavodlari va Usmonovning USM xoldingidagi sheriklariga tegishli boshqa kompaniyalarga ham qaratilgan.

• Alisher Usmonov
• Rossiya
• Ukraina