$
10845.02 UZS
9.95
141.68 UZS
0.14
12297.17 UZS
1.53
18° Kechasi

Umid Iskandarov rafiqasi bilan farzandsizlik sabab ajrashganini aytdi

17:43 / 07.12.2021

Taniqli aktyor Umid Iskandarov rafiqasi Renata Iskandarova bilan farzandsizlik sabab ajrashishga majbur boʻlgani haqida gapirib berdi.

“Renata har doim “Agar farzandli boʻlsam, hamma narsani tashlab, faqat u bilan ovora boʻlaman, koʻp farzand koʻraman” derdi. Ammo, boʻlmadi. Juda koʻp harakat qildik. EKO muolajasi haqidagi tushuncham biroz boshqacharoq, men buni xiyonatdek his qilaman. Bu muolajaning toʻgʻri ekanligini qayerdan bilaman? Bunga keskin qarshi boʻlmaganman, shunchaki “Bu narsa menga yoqmaydi” deganman. Bolalar uyidan farzand asrab olmoqchi boʻldik, lekin otam “Bolaning ota-onasi kimlar ekanligini bilmaysan, kelin rozi boʻlsa yana bir marta uylantirib qoʻyamiz” dedilar. Ikkalamizning ham tahlillarimiz soppa-sogʻ ekanligimizni koʻrsatgan, shunchaki bir-birimizga mos kelmaganmiz. Shuni bizga 6 yil deganda tushuntirib berishdi. Amerikalik shifokor faoliyatida moʻjizalar ham sodir boʻlgani, buning uchun tavakkal qilib yashash kerakligini aytgan. Boʻlmasa, boshqa oila qursangiz, hammasi yaxshi boʻladi dedi. Endi bizda oʻzbekchilikda, amma-xolalar mehmonga kelishsa, yangilik bormi deb tinmay soʻrashadi. Koʻp narsa mana shundan boshlandi”, deydi Umid Iskandarov.

Ijodkorning aytishicha, ikkinchi xotin olish masalasi koʻtarilgach, Renata Iskandarova bunga rozi boʻlmagan. Turmush oʻrtogʻining ikkinchi rafiqasi farzand dunyoga keltirgach, Umid Iskandarovning ikkinchi oilasi bilan ovora boʻlib ketishini taxmin qilib, javobini berishni soʻragan. Oqibatda juftlik qanchalik qiyin boʻlmasin, kelishgan holda ajrashishga qaror qilishgan.

“Lekin baʼzida sogʻinaman, bu koʻrinmas ipga oʻxshagan narsa. Millionlab pulga ham oʻsha daqiqada uni qaytarib olib kelib qoʻya olmaysan. Agar rafiqangizning qoʻli shirin boʻlsa-ku, bu umuman boshqa bir narsa. “Oshxonaning qirolichasi” edi u” dedi Umid Iskandarov.


Shou-biznes

Bu ham qiziq

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!