Ayni kunlarda Nyu-York (AQSh)da 2022-yilgi AQSh ochiq chempionatining toʻrtinchi tur uchrashuvi boʻlib oʻtmoqda.

Eʼtiborlisi, ushbu bosqichda 26 yoshli rossiyalik tennischi Daniil Medvedev avstraliyalik 27 yoshli tennischi Nik Kiryos (reyting raqami 25) dan magʻlubiyatga uchraganidan soʻng, jahon reytingida yetakchilik qilishni toʻxtatishi aniq boʻldi.

2 soat 54 daqiqa davom etgan bellashuv Kiryosning 7:6 (13:11), 3:6, 6:3, 6:2 hisobidagi gʻalabasi bilan yakunlandi.

Shu tariqa, amaldagi turnir chempioni Medvedev dunyoning birinchi raketkasi unvonini boy berib, chorak finalga chiqa olmay, AQSh Ochiq chempionatini tark etadi. Kiryos esa keyingi bosqichda yana bir rossiyalik tennischi Karen Xachanov (31) ga qarshi bahs olib boradi.

Qayd etish mumkin, ayni paytda dunyoning birinchi raketkasi unvoniga uchta daʼvogar bor — ispanlar Rafael Nadal (3) va Karlos Alkaras (4), shuningdek, norvegiyalik Kasper Rud (7).

Turnirning toʻrtinchi raundida Nadalning raqibi amerikalik Frensis Tiafo (26) boʻladi, yana bir ispaniyalik oʻyinchi Karlos Alkaras(4) esa Xorvatiya vakili Marin Chilich (17) bilan toʻqnash keladi, Kasper Rud esa musobaqaning 1/4 final bosqichi doirasida italiyalik Matteo Berrettini (14)ga qarshi bahs olib boradi.

• Daniil Medvedev
• Katta dubulg‘a
• Tennis