Joriy yilning 17-fevral kuni Toshkent viloyatining Oqqo‘rg‘on tumanida 4 kishi ovqatdan zaharlanib vafot etdi. Bu haqda Bosh prokuratura matbuot kotibi Hayot Shamsutdinov ma’lum qildi.
Voqea joyida tumanning birlik ko‘chasida yashovchi oilaning 3 nafar a’zosi – 1961-yilda tug‘ilgan ayol A.Z., 1978-yilda tug‘ilgan erkak X.M. va 1982-yilda tug‘ilgan ayol S.R. vafot etgan. Shuningdek, ushbu xonadonda yashovchi 18 yoshli R.M., 20 yoshli D.M., 11 yoshli T.M. va 2 yoshli X.A. “noma’lum etiologik zaharlanish” tashxisi bilan tibbiyot birlashmasiga yotqizilgan. Ko‘rsatilgan tibbiy yordamlarga qaramasdan, 18 yoshli R.M. kasalxona jonlantirish bo‘limida vafot etgan.
Holat yuzasidan tayinlangan sud-tibbiyot ekspertizasining dastlabki ma’lumotnomasida fuqarolar marhumlarning o‘limi bo‘yicha sud tibbiy tashxisi “is gazidan o‘tkir zaharlanish, murda dog‘larining och pushti rangdaligi, ichki a’zolar pushti rangga kirishi, qonning suyuq holati, ichki a’zolarning to‘laqonligi, miya va o‘pka shishi, noma’lum etiologiyali ovqatdan zaharlanish” ekanligi qayd etilgan.
Hozirda tuman prokuraturasi tomonidan tergovga qadar tekshiruv o‘tkazilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!