Independent nashrining xabariga ko‘ra, xitoydagi okeanariumda minglab odamlar tomoshaga kelgan va ular miriqib ko‘rgan kitsimon akula aslida robot bo‘lib chiqqan.

5 yillik ta’mirlash ishlaridan so‘ng Xiaomeisha Sea World okeanariumi qayta ishga tushgan, unga kirish biletining narxi 40 dollar qilib belgilangan. Okeanariumdagi kitsimon akulaga ko‘pchilik qiziqish bildirgan va akula haftaning yulduziga aylangan. Bir haftada uni ko‘rish uchun 100 mingga yaqin tomoshabin tashrif buyurgan.

Keyinroq esa bu akula aslida robot ekanligi fosh bo‘lgan va ko‘pchilikning noroziligiga olib kelgan. Okeanarium tanqidlar ostida qolgan. Mutasaddilar esa robot-akulani yasashga millionlab dollar sarflangani, haqiqiy kitsimon akulalarni taqiqlovchi qonun tufayli shunday qilishga majbur bo‘lishganini aytishgan.

• Lifestyle
• Okean
• Xitoy