Rossiya Prezidenti Vladimir Putin Oʻzbekiston Respublikasi Prezidenti Shavkat Mirziyoyevni mamlakat Mustaqilligining 31-yilligi munosabati bilan tabrikladi. Bu haqda Kreml saytida xabar berildi.

Qayd etilishicha, Rossiya rahbari ikki davlat oʻrtasidagi munosabatlar strategik sheriklik va ittifoqchilik ruhida jadal rivojlanib borayotganini taʼkidlagan.

“Davlatlarimiz oʻrtasidagi munosabatlar strategik sheriklik va ittifoqchilik ruhida jadal rivojlanmoqda. Ishonchim komilki, biz birgalikdagi saʼy-harakatlar bilan oʻzaro manfaatli ikki tomonlama aloqalarning barcha koʻlamini yanada mustahkamlaymiz”,— deyiladi telegramma matnida.

Shuningdek, Putin O‘zbekiston iqtisodiy va ijtimoiy sohalarda umume’tirof etilgan muvaffaqiyatlarga erishayotgani, jahon miqyosida haqli ravishda yuksak obro‘-e’tiborga ega ekanini ta’kidlagan.

Prezident tabrik so‘ngida Mirziyoyevga sog‘lik va muvaffaqiyatlar, O‘zbekiston xalqiga baxt va farovonlik tilagan. 

• Mirziyoyev
• Mustaqillik
• Putin
• Tabrik