Osiyo o‘yinlarining bugungi kuni O‘zbekiston terma jamoasi uchun muvaffaqiyatli boshlandi, deya
xabar berdi Milliy olimpiya qo‘mitasi.
Akademik eshkak eshish bo‘yicha ayollar o‘rtasida kechgan yakkalik dasturida Anna Prakaten O‘zbekiston delegatsiyasiga ikkinchi oltin medalni taqdim qildi. Kumush va bronza medallari esa Xitoy hamda Yaponiya vakillariga nasib etdi.
Shuningdek, erkaklar o‘rtasida M4- dasturida ishtirok etgan Shehroz Hakimov, Davrjon Davronov, Dilshodjon Xudoyberdiyev va Alisher Turdiyev kvarteti marra chizig‘ini birinchi bo‘lib kesib o‘tdi va uchinchi oltin medalni qo‘lga kiritdi.
Akademik eshkak eshish bo‘yicha M4x dasturida startga chiqqan Shahzod Nurmatov, Shahboz Xolmirzayev, Mehrojbek Mamatqulov va Sobirjon Safaraliyev esa kumush medalni qo‘lga kiritdi. Mazkur startda oltin medal Xitoy, bronza medali Hindiston jamoalariga nasib etdi.
31°
Kechasi 18°
