Qirg‘iziston Milliy xavfsizlik davlat qo‘mitasining sobiq rahbari futbol ittifoqi prezidenti lavozimini tark etishini ma’lum qildi. Qaror 15-aprel kuni Bishkekda bo‘lib o‘tgan futbol ittifoqi kongressida e’lon qilindi.
Uning aytishicha, endilikda futbol boshqaruvi sportni chin dildan sevuvchi mutaxassislar qo‘liga o‘tishi kerak. Shuningdek, u o‘z faoliyati davomida belgilangan vazifalarni bajarganini ta’kidlab, bu lavozimda ikki yildan ortiq ishlaganini qayd etdi.

Kongress davomida futbol ittifoqi rahbariyatiga yangi nomzodlar yo‘qligi sababli saylov masalasi kun tartibidan chiqarib tashlangan.
Avvalroq u xavfsizlik tizimidagi yuqori lavozimdan ham ozod etilgan edi. Shundan so‘ng mamlakatda bir qator kadr o‘zgarishlari va hibsga olish holatlari kuzatilgan.

Hozircha sobiq rahbar so‘nggi siyosiy jarayonlarga izoh bermagan.