34 yoshli futbolchi bugun “Orzuning shonli yoʻli” nomli kitobining taqdimot marosimida karyerasini tugatganligi toʻgʻrisidagi xabarni yetkazdi.

Qayd etish joiz, Odil 1987-yilning 25-noyabrida Namangan viloyatida tugʻilgan. Futbolchilik faoliyatini esa 2006-yildan “Paxtakor”da boshlagan. Besh yil davomida toshkentliklar tarkibida yetarli tajriba toʻplab ulgurgan yarim himoyachi 2011-yilda Maxachkalaning “Anji” klubi bilan shartnoma imzolagan.

Dogʻistonliklar safida jahonning yulduz futbolchilari bilan asosiy tarkibda toʻp tepgan hamyurtimiz 2014-2016-yillar davomida “Krasnodar”, 2017-2020-yillar ichida “Shanxay SIPG” jamoalari bilan ulkan yutuqlarga erishgan. Joriy mavsumda esa Odil “Shenchjen” sharafini himoya qildi.

U Oʻzbekiston terma jamoasi safida 2007-2021-yil ichida 105 oʻyinda 20 gol urishga muvaffaq boʻlgan.

• Futbol
• O‘zbekiston