Xitoyning uch nafar taykonavti ertaga, 5-iyun kuni XXRning milliy orbital stansiyasi tomon yoʻl oladi. “Shenchjou-14” kosmik kemasi kosmonavtlar Say Szyuchje, Chen Dun va Xitoyning birinchi ayol taykonavti Lyu Yanni kosmosga olib chiqadi.

“Shenchjou-14” kosmik kemasining parvozi 5-iyun, mahalliy vaqt bilan soat 10:44 ga rejalashtirilgan. Kema Ichki Moʻgʻuliston hududida joylashgan Szyusyuan kosmodromidan “Chanchjen-2F” raketa tashuvchisi yordamida uchiriladi.

Yangi ekipaj aʼzolari 6 oy davomida orbital stansiyada boʻladilar. Kema komandiri vazifasini kosmonavt Chen Dun bajaradi.

Chen Dun 2016-yilda “Shenchjou-11” kosmik kemasida “Tyangun-2” laboratoriyasida boʻlib qaytgan. Lyu Yan esa Xitoy tarixidagi birinchi ayol taykonavt hisoblanadi. Ekipajning uchinchi aʼzosi – Say Szyuchje kosmosga birinchi marta yoʻl oladi.

• Koinot
• Kosmonavt
• Kosmonavtlar
• Xitoy
• ilm-fan
• kosmos
• tadqiqot