Taniqli xonanda Beyonse Birlashgan Arab Amirliklarining Dubay shahrida joylashgan “Atlantis The Royal” mehmonxonasining ochilish marosimida ishtirok etib, 1 soatlik chiqishi uchun 35 million AQSh dollari miqdorida haq oldi. Bu xonanda soʻnggi 4 yil ichida qoʻshiq kuylagan birinchi konsert dasturi boʻldi.

Mehmonxonaning ochilish marosimida koʻplab taniqli yulduzlar, jumladan Kendall Jenner, Mishel Kigan, Rebel Uilson, Liam Peyn, Mark Rayt, shuningdek Beyonsening turmush oʻrtogʻi Jay-Z va uning farzandlari ham ishtirok etgan.

Dubayga tashrif buyurgan xonanda va oila aʼzolari uchun “Atlantis The Royal”ning lyuks xonasini ajratib berilgan. Maʼlumot uchun, ushbu xonada bir kecha tunab qolish narxi 142 ming AQSh dollarini tashkil etadi.

• Shou-biznes
• mashhurlar