Rossiyalik xonanda Olga Buzova oʻzini jahon adabiyotining eng mashhur yozuvchilaridan biri, buyuk rus adibi Lev Tolstoyga qiyoslab, muxlislarning keskin tanqidlariga duchor boʻldi. U yozuvchilik mahorati chakki emasligi, oʻz vaqtida maqolalari chop etilgani, ijtimoiy tarmoqlardagi sahifalarida eʼlon qilinadigan postlarni ham oʻzi yozishini aytib oʻtgan.

“Mening yozish uslubim juda chiroyli. Buni sezish uchun postlarimga eʼtibor qaratishingiz ham mumkin. Yozishni juda yaxshi koʻraman. Uslubim Tolstoynikiga oʻxshaydi”, dedi xonanda.

Buzova yozgan matnlari Lev Tolstoyning uslubidagi kabi uzun jumlalardan iborat ekanligini, har qanday mavzuni yoritib bera olishini ishonch bilan taʼkidlagan.

Xonandaning oʻzini jahon adabiyoti klassiki bilan tenglashtirishi muxlislarga maʼqul boʻlmagan. Ular Buzovani maqtanishda va oʻziga ortiqcha baho berishda ayblaganlar.

• Adabiyot
• Shou-biznes
• mashhurlar