Xorazm, Namangan va Toshkent viloyatlarida MCHJ rahbarlari kredit mablag‘larini o‘zlashtirib yuborgani aniqlandi. Bu haqda Bosh prokuratura huzuridagi iqtisodiy jinoyatlarga qarshi kurashish Departamenti matbuot xizmati xabar berdi.
Qayd etilishicha, Bosh prokuratura huzuridagi Departamentning Xiva tumani bo‘limi tomonidan tergovga qadar tekshiruvda o‘tkazilgan. Unda aniqlanishicha, “T.A.” MCHJ rahbari va boshqalar hududiy tijorat banki filialidan ajratilgan kredit mablag‘i evaziga sotib olingan 225,4 ming AQSH dollarlik issiqxona uskunalarini sotib yuborishgani hamda kredit mablag‘ini o‘zlashtirish yo‘li bilan talon-toroj qilganliklari aniqlangan.
Shu kabi, Namangan shahar bo‘limi tomonidan hududiy tijorat banki filialining murojaatiga asosan o‘tkazilgan tergovga qadar tekshiruvda ham ”Ch.A.” MCHJ rahbari A.B. va boshqalar o‘zaro til biriktirib, issiqxona qurilishi uchun ajratilgan 330 mln so‘m kredit mablag‘ini issiqxona qurmasdan o‘zlashtirib yuboragi ma’lum bo‘ldi.
Qolaversa, Toshkent tuman bo‘limi tomonidan o‘tkazilgan tergovga qadar tekshiruv natijasida, “A.F.” MCHJ rahbari N.A. va boshqalar o‘zaro til biriktirib, 5 nafar fuqaroning nomiga qora mol sotib olish uchun ajratilgan 155,3 mln so‘m kredit mablag‘ini talon-toroj qilganliklari aniqlangan.
Xabarga ko‘ra, mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!