23°
Kechasi 15°
Xitoy hukumati AQShning Tayvan maʼmuriyatiga qurol yetkazib berishi hamda Vashingtonning Xitoy korxonalari va jismoniy shaxslariga nisbatan qoʻygan cheklovlari munosabati bilan besh Amerika kompaniyasiga qarshi javob sanksiyalarini joriy qildi. Bu haqda Xitoy tashqi ishlar vazirligi xabar berdi.
“AQSh Xitoyning Tayvan mintaqasiga qurol sotish orqali “yagona Xitoy” tamoyilini ochiqdan-ochiq buzmoqda va turli bahonalar bilan Xitoy korxonalari va jismoniy shaxslariga qarshi noqonuniy bir tomonlama sanksiyalar kiritmoqda. Amerika tomonining yuqoridagi jiddiy qonunbuzarliklariga javoban, Xitoy Xalq Respublikasining “Xorijiy sanksiyalarga qarshi sanksiyalar to‘g‘risida”gi qonuniga muvofiq, Xitoy 5 ta kompaniyaga nisbatan sanksiyalar qo‘llashga qaror qildik, - deyiladi Xitoy Tashqi ishlar vazirligi saytida.
Xitoy Tashqi ishlar vazirligining aniqlik kiritishicha, joriy qilingan sanksiyalar bu kompaniyalarning aktivlarini va Xitoy hududidagi ko‘chmas mulklarini muzlatishni o‘z ichiga oladi.
“Xitoydagi tashkilotlar va jismoniy shaxslarga sanksiyaga kiritilgan AQSh kompaniyalari bilan bitimlar tuzish, hamkorlik qilish yoki boshqa turdagi oʻzaro munosabatlarni amalga oshirish taqiqlanadi”, - deyiladi bayonotda.
Vazirlikning qo‘shimcha qilishicha, Qo‘shma Shtatlar o‘z harakatlari bilan Xitoyning suvereniteti va xavfsizlik manfaatlariga putur yetkazadi. Eng muhimi, Tayvan bo‘g‘ozidagi tinchlik va barqarorlikka jiddiy tahdid tug‘diradi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
