AQSH prezidenti o‘zining Truth Social ijtimoiy tarmog‘idagi rasmiy sahifasida NATO tashkilotidagi o‘zining ittifoqchilariga yo‘llangan maktubini e’lon qildi.

Tramp agarda alyansdagi davlatlar bu rejaga rozi bo‘lsa va Rossiya neftini sotib olishdan voz kechsa, Moskvaga qarshi keragicha kuchli sanksiyalar qo‘llashini ma’lum qildi.

“Menimcha, NATO yagona tashkilot sifatida Xitoyga qarshi birgalikda 100 foizgacha bojlarni joriy etishi mumkin. Bu bojlar Rossiya va Ukraina o‘rtasidagi urush tugagach butunlay bekor qilinishi mumkin. Mazkur harakat halokatga olib keluvchi, ammo mantiqsiz urushni yakunlashga katta yordam beradi. Xitoy Rossiyaga nisbatan kuchli nazorat va hatto ta’sir doirasiga ega, kuchli bojlar bo‘lsa, bu ta’sirni sindiradi” — deb yozadi AQSh rahbari.

• Jahon
• NATO
• Siyosat
• Tramp