Yaponiya qirg‘oqlarida kimyoviy moddalar olib ketayotgan tanker ag‘darilib ketdi. Chorshanba kuni ertalab Janubiy Koreyaning Keoyoung Sun kemasidan qirg‘oq qo‘riqlash xizmati avariya signalini oldi. U janubi-g‘arbiy Mutsure oroli qirg‘og‘ida bo‘lgan. Bu haqda “Euronews” xabar berdi.
Qayd etilishicha, qutqaruvchilar yetib kelguniga qadar tanker ag‘darilib ketgan. Kema bortida esa 11 kishi – Janubiy Koreya, Xitoy va Indoneziya fuqarolari bo‘lgan. Xabar qilinishicha, ulardan sakkiz nafari halok bo‘lgan. Ekipajning yana bir a’zosi tirik qolgan. Ikki kishi bedarak yo‘qolgan.
Tanker 980 tonna akril kislotani tashigan. U yelim, bo‘yoq va jilo ishlab chiqarishda qo‘llaniladi. Ushbu kimyoviy modda terini, ko‘zlarni va turli organlarning shilliq pardalariga ziyon keltirishi mumkin.
Hozircha kemadan kimyoviy moddalar sizib chiqqani haqida xabarlar kelib tushmagan.
Ammo rasmiylar profilaktika choralarini ko‘rmoqda. Kemaning ag‘darilishi sabablari hozircha noma’lum. Mintaqada ob-havo noqulay bo‘lgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!