Yaponiyalik olimlar Parkinson kasalligini qon tahlillariga koʻra aniqlab beruvchi dunyodagi birinchi testni ixtiro qildilar. Mutaxassislarning aytishlaricha, bu kasallikni davolashning yangi usullarini ishlab chiqishga imkon beradi.

Test R450 fermentining taʼsiriga asoslangan boʻlib, ushbu fermentning taʼsirchanlik darajasi insonda salomatlik bilan bogʻliq muammolar paydo boʻlganda oʻzgaradi. Kasalliklar qondagi metabolitlarning miqdori va xususiyatlariga bevosita taʼsir koʻrsatadi.

Olimlar qon tarkibidagi qaysi oʻzgarishlar Parkinson kasalligiga xos ekanligini oʻrganib chiqishdi. Ixtiro qilingan yangi testning kasallikka tashxis qoʻyish aniqligi 88 foizni tashkil qiladi.

Maʼlumot uchun, Parkinson kasalligi 60 yoshdan oshgan keksalarning 1-2 foizida kuzatiladi. Ushbu neyrodegenerativ kasallik qoʻl va oyoqlardagi titroq, harakatlar sustligi, fikrlash tezligining pasayishiga sabab boʻladi. Kasallikka oʻz vaqtida tashxis qoʻyish va davolash muolajalarini imkon qadar ertaroq boshlash patologik jarayonni sekinlashtirishga yordam beradi.

• Yaponiya
• ilm-fan
• salomatlik
• tadqiqot