13-16-oktabr kunlari Quvaytda 18 yoshgacha boʻlgan sportchilar oʻrtasida yengil atletika boʻyicha IV Osiyo chempionati start oldi. Musobaqaning birinchi kun bahslaridayoq Oʻzbekiston terma jamoasi oltin medalga sazovor boʻldi.

Dastlabki medalni uch hatlab sakrash boʻyicha yoshlar oʻrtasidagi jahon chempioni Sharifa Davronova keltirdi. Ahamiyatlisi, Davronova bu gal uzunlikka sakrash sektorida chempionlikka erishdi.

Hamyurtimiz mazkur dasturni shaxsiy rekordini yangilab, 6,06 metr natija bilan yakunladi.

Ushbu yoʻnalishda ishtirok etgan boshqa bir oʻzbekistonlik atlet Xushnoza Shavkatova 5,78 metr bilan toʻrtinchi oʻrindan joy oldi.

Sharifa Davronova (Oʻzbekiston) – 6,06 metr

Moham Mubsina (Hindiston) – 5,91

Jia Yin (Gonkong) – 5,81

Xushnoza Shavkatova (Oʻzbekiston) – 5,78

• Osiyo Chempionati
• O‘zbekiston
• Sharifa Davronova
• Yengil atletika