Hindiston 2036-yilgi yozgi Olimpiya o‘yinlariga mezbonlik qilish daʼvosida g‘olib chiqsa, “mamlakatning yumshoq kuchi” sifatida taʼriflanadigan yogani to‘rt yillik o‘yinlar dasturiga kiritish talabini ilgari surmoqchi.

Bu haqda Milliy olimpiya assotsiatsiyasi Osiyo Olimpiya kengashining amaldagi rahbari Raja Randhir Singxga maktub yo‘llagan.

Murojaatda jismoniy va ruhiy salomatlikni mustahkamlashda o‘rni muhimligidan kelib chiqib, yogani Osiyo o‘yinlari dasturiga kiritish zarurligi taʼkidlangan.

Shuningdek, joriy yil 21-iyunda dunyo bo‘ylab 10-xalqaro yoga kuni keng nishonlangani, barcha mamlakatlarda kishilar ushbu tur bilan shug‘ullanayotgani, jismoniy va ruhiy salomatlik manbayi bo‘lgan bu harakat kelgusida Osiyo o‘yinlari, oxir-oqibat Olimpiya o‘yinlaridan joy olishga haqli ekani qo‘shimcha qilingan.

• Hindiston
• Olimpiada
• Qishki Olimpiada
• Sport