Aktrisa Yulduz Rajabova ogʻir kasallikka chalingani haqidagi mish-mishlarga oydinlik kiritdi. Ijodkorning aytishicha, haqiqatdan ham koʻp yillardan beri ogʻir kasallikdan aziyat chekib keladi.

“Toʻgʻri. Koʻp yillardan beri bosh ogʻriqlaridan qiynalaman. Lekin bu migrenga bogʻliq. Migrenga chalingan insonlar meni yaxshi tushunishlari mumkin. Bu ogʻriq bilan hech narsa qila olmaysiz. Baʼzida shunchalik ogʻriydiki, hech qanday dori yordam bermay qoladi.

Kasallikning davosini topishga harakat qildim. Lekin nimagadir yordam bermadi. Qiyin. Bilasizmi, bir nechta shifokorga murojaat qilganimdan keyin shunday fikrga keldimki, bu tuzaladigan kasallik emas. Qandaydir usullar bilan ogʻriqni kamaytirish mumkin, 6 oylik ukollar bor, ularning yordamida 6 oy davomida boshingiz ogʻrimaydi”, dedi ijodkor.

Aktrisa ayni vaqtda kasallikka qarshi mana shu usullardan foydalanayotganini aytib oʻtgan.

• Shou-biznes
• mashhurlar