Yaponiyalik olimlar Yupiter yuzasida sodir boʻlgan kuchli chaqnash hodisasini qayd etdilar. Aniqlanishicha, unga sayyoraning kosmik obyektlardan biri bilan toʻqnashib ketgani sabab boʻlgan. Olimlar bunday yirik toʻqnashuvni oxirgi marta 1994 yilda, Yupiter Shumeyker-Levi kometasi bilan toʻqnashgan vaqtda qayd etgan edilar.

Astronomlar sayyoraga kelib urilgan obyektning ogʻirligi 4,1 ming tonnaga teng boʻlganini aniqlashgan. Uning oʻlchami 15-30 metrni tashkil qilgan, harorati esa parvoz vaqtida 8000 gradus Selsiygacha koʻtarilgan.

“Yupiter yirik kosmik jismlar bilan bizning sayyoraga nisbatan 100-1000 marta koʻproq toʻqnashadi. U yerda har yili Tunguss halokati kabi portlashlar sodir boʻladi”, deydi tadqiqotchilar.

Olimlar Quyosh tizimidagi sayyoralarning asteroidlar va kometalar bilan toʻqnashuvlarini kuzatish katta ahamiyat kasb etishini alohida taʼkidlab oʻtganlar. Bu turdagi tadqiqotlar Yer sayyorasi uchun xavfli boʻlgan obyektlarni oldindan aniqlashga imkon beradi.

• Koinot
• ilm-fan
• kosmos
• tadqiqot