Toshkent viloyati, Zangiota tumani, Ulug‘bek MFYda “Hududgaz Toshkent” gaz taʼminoti filiali xodimlari tomonidan olib borilgan nazorat ishlari natijasida gaz taʼminoti tizimiga noqonuniy ulangan bitum eritish bilan shug‘ullanuvchi ishlab chiqarish korxonasini aniqladi. Bu haqda "HUDUDGAZ TOSHKENT" Gaz ta'minoti filiali matbuot xizmati xabar berdi.

Qayd etilishicha, “PERMANENT HOUSE” MCHJ rahbari F.Xudoyqulovga tegishli bo‘lgan mazkur tashkilot hisobdon orqali tabiiy gaz olayotgan bo‘lsada, texnik qoidabuzarlik holatlariga yo‘l qo‘ygan holda loyihadan tashqari nostandart gaz anjomlarini o‘rnatib, rezina shlanglardan foydalanib kelgan.

O‘rnatilgan tartibda mutasaddi vakillar tomonidan dalolatnoma tuzilgan. Dastlabki hisob-kitoblarga ko‘ra korxona 111 mln so‘mlik tabiiy gaz isteʼmol qilgani aniqlangan.

Holat yuzasidan to‘plangan hujjatlar maʼmuriy tarzda chora ko‘rish uchun huquqni muhofaza qilish organlariga taqdim etildi.

Shuningdek, Toshkent viloyati, Zangiota tumani, Bo‘zsuv hududida “Hududgaz Toshkent” gaz taʼminoti filiali xodimlari tomonidan olib borilgan nazorat ishlari natijasida gaz taʼminoti tizimiga noqonuniy ulangan alyumin eritish korxonasini aniqladilar.

“Trust-Smart Development” MCHJga qarashli bo‘lgan mazkur tashkilot tabiiy gazdan hech qanday hujjatlarsiz hamda shartnoma tuzmagan holda gaz tarmog‘iga noqonuniy ravishda ulanib olib alyumin eritish maqsadida tabiiy gazdan foydalanib kelayotganligi aniqlandi.

O‘rnatilgan tartibda mutasaddi vakillar tomonidan dalolatnoma tuzildi. Dastlabki hisob-kitoblarga ko‘ra korxona 915 mln so‘mlik tabiiy gaz isteʼmol qilgani aniqlangan. Holat yuzasidan to‘plangan hujjatlar maʼmuriy tarzda chora ko‘rish uchun huquqni muhofaza qilish organlariga taqdim etildi.

• Hududgazta'minot
• Zangiota