Ukraina prezidenti Volodimir Zelenskiy Xitoy rahbari Si Szinpin bilan Kiyevdagi urush yuzasidan to‘g‘ridan-to‘g‘ri muzokaralar olib borishni istashini aytdi va Xitoyni Rossiyaning harbiy amaliyotiga ta’sir o‘tkazishga chaqirdi. Bu haqda u Gonkongning “South China Morning Post” gazetasiga bergan intervyusida aytib o‘tgan.
Qayd etilishicha, Ukraina prezidenti Xitoy rahbari bilan bevosita uchrashmoqchi ekanini bildirgan.
“Men to‘g‘ridan-to‘g‘ri gaplashmoqchiman. Bir yil oldin Xitoy prezidenti Si Szinpin bilan bir marta suhbatlashgandim”,– deydi Zelenskiy.
Unga ko‘ra fevraldagi voqealardan keyin Kiyev rasmiy Pekin bilan muzokaralar o‘tkazishni so‘ragan, ammo mamlakat rasmiylari bu borada javob qaytarishmagan.
“24-fevraldagi Moskvaning keng ko‘lamli tajovuz tomoshasidan keyin biz rasman suhbatlashishni so‘ragan edik. Ammo biz Xitoy bilan hech qanday muzokara o‘tkazmadik, garchi bu foydali bo‘lardi, deb o‘ylayman”, — deydi Ukraina rahbari.
Zelenskiyning fikricha, Xitoyda Rossiya ixtilofini tugatish va Vladimir Putinga bosim o‘tkazish uchun yetarlicha iqtisodiy vositalar bor.
“Bu juda kuchli davlat. Bu kuchli iqtisodiyot.. Shunday qilib u Rossiyaga siyosiy va iqtisodiy ta’sir ko‘rsatishi mumkin. “Ishonchim komilki, Xitoy bozorisiz Rossiya to‘liq iqtisodiy izolyatsiyani his qiladi”,– deydi Ukraina prezidenti Vladimir Zelenskiy.
Shu bilan birga, u Pekinning Ukrainadagi voqealarga nisbatan “muvozanatli” munosabatni saqlab qolish istagini tushunishini bildirdi.
“Albatta, men Xitoyning Rossiya Federatsiyasiga munosabatini qayta ko‘rib chiqishini juda istardim”, — deya qo‘shimcha qildi davlat rahbari.
Ma’lumot uchun, 2021-yilda Xitoy Ukrainaning eng yirik savdo sherigi boʻlgan, uning savdo aylanmasi 19 milliard AQSh dollarini tashkil qilgan
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!