“Zenit” shartnomasini uzaytirishni xohlamayotgan eronlik Serdar Azmunning o‘rniga o‘rinbosar topdi.

Piterliklar “Internasyonal” forvardi Yuri Alberto bilan jiddiy qiziqishmoqda va muzokaralar ham boshlanib ketgan. “Hozirda ikki tomon o‘rtasida qizg‘in muzokaralar davom etmoqda. Futbolchining o‘zi allaqachon “Zenit”dagi vatandoshlari Klaudinyo, Malkom va Duglas Santos bilan gaplashib olgan va karyerasini Rossiya chempionatida davom ettirishga rozi” – deyiladi rus nashrlarida.

Xabarlarga qaraganda, Albertoning transfer narxi 20 million yevroga baholanmoqda. Hujumchi joriy mavsumda Braziliya chempionatida 31 o‘yinda 12 gol kiritib, jamoasi to‘purari bo‘lib turibdi.

• Futbol
• Sport