AQSh Prezidenti Jo Bayden o‘tgan shanba kuni uning ko‘rsatmasi bilan Qo‘shma Shtatlar Afg‘onistonning Qobul shahrida Al-Qoida amiri Ayman az-Zavohiriyni o‘ldirgan havo hujumi muvaffaqiyatli yakunlanganligini ma‘lum qildi.

-Amerikalik vatandoshlarim, shanba kuni mening ko‘rsatmam bilan Qo‘shma Shtatlar Afg‘onistonning Qobul shahrida Al-Qoida amiri Ayman az-Zavohiriyni o‘ldirgan havo hujumini muvaffaqiyatli yakunladi.

Bilasizmi, al-Zavohiriy bin Ladenning asosiy yetakchilaridan biri edi. Zavohiriy hamma vaqt - u bilan birga bo‘lgan. U Bin Ladenning ikkinchi raqamli odami va AQShdagi 11-sentabr terakti paytida uning o‘rinbosari ham bo‘lgan.

U Amerika zaminida 2977 kishining o‘limiga sabab bo‘lgan 11 sentyabr voqealarini rejalashtirishda ham ishtirok etgan.

O‘nlab yillar davomida u amerikaliklarga qarshi hujumlar, jumladan, 2000 yilda 17 amerikalik dengizchining o‘limiga sabab bo‘lgan USS Koulning portlashi va yana o‘nlab odamlarni yaralagan hujumlar uyushtirgan.

U Keniya va Tanzaniyadagi AQSh elchixonalarini bombardimon qilishda muhim asosiy rol o‘ynadi. O‘sha hodisa oqibatida 224 kishi halok bo‘ldi va 4500 dan ortiq kishi jarohat olgan.

U Amerika fuqarolari, Amerika harbiy xizmatchilari, Amerika diplomatlari va Amerika manfaatlariga qarshi qotillik va zo‘ravonliklarda o‘zining chuqur salbiy izlarini o‘yib qoldirdi. Va Qo‘shma Shtatlar 11 yil oldin bin Ladenni yo‘q qilganidan keyin Zavohiriy Al-Qoidaning yetakchisi bo‘lib kelgan.

Bugun biz yo‘qotilganlarimizni xotirlaymiz. Biz o‘zimizni tiriklar xavfsizligiga bag‘ishlaymiz. Va biz hech qachon o‘z xalqimizni va uning manfaatlarini himoya qilishdan qaytmaslikka va‘da beramiz.

Barchangizga rahmat.

Xudo askarlarimizni va biz uchun xizmat qilayotgan barchani o‘z panohida asrasin.

Biz hech qachon - hech qachon taslim bo'lmaymiz.

• AQSh
• Afg‘oniston
• Bayden
• IShID
• Tolibon