2018-yil Vazirlar Mahkamasining 461-sonli qarori asosida “o‘zboshimchalik bilan qurilgan turar joylarga nisbatan mulk huquqini e‘tirof etish bo‘yicha bir martalik umumdavlat aksiyasi” o‘tkazilgan edi. Lekin bundan ko‘pchilikning xabari bo‘lmagan va hanuzgacha kadastr hujjatlariga ega bo‘lmagan uy-joylar talaygina.

Joriy yil 21-iyun kuni Milliy matbuot markazida bo‘lib o‘tgan matbuot anjumanida Kadastr agentligining Davlat kadastrlari palatasi raisi o‘rinbosari Nozimjon Inamov qanday qilib o‘zboshimchalik bilan qurilgan turar joylarga nisbatan mulk huquqini ko‘lga kiritish mumkinligi haqida ma‘lumot berdi.