Joriy yilning 17-noyabr kuni Adliya vazirligi tomonidan AOKA anjumanlar zalida qonunchilik hujjatlarini korrupsiyaga qarshi ekspertizadan oʻtkazish tartibini takomillashtirishga oid Oʻzbekiston Respublikasi Prezidenti qarori yuzasidan matbuot anjumani oʻtkazildi.

Matbuot anjumanida Adliya vazirligi, Moliya vazirligi, Qurilish vazirligi, Sogʻliqni saqlash vazirligi, Oliy va oʻrta maxsus taʼlim vazirligi hamda boshqa vazirlik va idoralar, matbuot vakillari va tashabbuskor fuqarolar ishtirok etishdi.

Anjumanda korrupsiyaning oldini olish va korrupsiyaga oid huquqbuzarliklarni sodir etish imkoniyatini yaratadigan omillarni bartaraf etish maqsadida Adliya vazirligi tomonidan qurilish, sogʻliqni saqlash, oliy taʼlim va davlat xaridlari sohalariga oid amaldagi qonunchilik hujjatlari korrupsiyaga qarshi ekspertizadan oʻtkazilganligi maʼlum qilindi.

-Korrupsiyaga qarshi kurashish siyosati va qonunchilikni oʻrganish boʻyicha men ham Singapurda amaliyot oʻtaganman. Ular qoʻllaydigan choralarning deyarli barchasi Oʻzbekistonga ham tatbiq qilindi.

Faqat bu qonunlarni hayotga toʻliq tatbiq qilish uchun keng jamoatchilik ham faol ishtirok etishi kerak, — dedi Adliya vazirligi boshqarma boshligʻi Nodir Muxtorov.

• Adliya
• Korrupsiya