Panamada Xellouin bayrami munosabati bilan “Kalmar oʻyini” seriali uslubida oʻtkazilgan bazmda 8 kishi halok boʻldi. Hodisa 29-oktyabr kuni roʻy bergani aytilmoqda.

Bazm vaqtida mahalliy guruhlarning ikkitasi orasida otishma kelib chiqqan, natijada 5 kishi halok boʻlgan, yana uchta jasad hudud yaqinidagi chiqindixonadan topilgan. Bundan tashqari, 7 kishi turli darajadagi tan jarohatlarini olgan.

Prokuror Rafael Baloyesning aytishicha, otishma “Los Galaktikos” nomli mahalliy guruh aʼzolaridan biri raqib guruhga qarata oʻq uzgandan keyin boshlanib ketgan.

Ayni vaqtda otishmada ishtirok etgan 2 kishi qoʻlga olingan, hodisa ishtirokchilarining ayrimlari avvallari ham sudlangani aniqlangan.

• Kino
• Otishma