AQSh Kongressi Vakillar palatasi spikeri Nensi Pelosining Tayvanga rejalashtirgan tashrifi yuzasidan xorijiy OAVlarda “Xitoyning gʻashini keltiruvchi” bir qancha xabarlar tarqadi. Xoʻsh, agar Xitoy Tayvanga harbiy yurish qilsa bunga Rossiya qanday munosabat bildiradi? Ushbu savolga 2021-yili Amerikaning NBC telekanali jurnalisti Keir Simmons Rossiya prezidenti Vladimir Putindan quyidagicha javob olgan edi:

– Ruxsat bersangiz, yana bir savol bilan murojaat qilsam. AQSh, Xitoy va Rossiya oʻrtasidagi munosabatlar haqida bilishni istaymiz. Agar Xitoy armiyasi Tayvanga bostirib kirsa, bunga Rossiya qanday reaksiya bildiradi?

– Nima, sizga Xitoyning Tayvandagi muammolarni harbiy yoʻl bilan hal qilishi haqidagi rejalari maʼlummi? Menga bu haqda hech narsa maʼlum emas. Yaʼni, biz doim siyosatda takrorlaganimizdek, shartli ravishdagi boʻlishi mumkin yoki yoʻq” degan tushuncha bor. Agar shunday boʻlsa yoki boshqa holatda ham men real hayotimizda hali sodir boʻlmagan voqelikni hech qanday izohlay olmayman. Menimcha, bu savol, xafa boʻlmang-u nooʻrin boʻldi hisoblayman. Bu mavjud narsa emas-ku. Sizningcha Xitoy Tayvandagi muammolarni harbiy yoʻl bilan hal qilishni eʼlon qildimi? Hozirgacha bunday boʻlmadi. Shuncha yillardan beri Xitoy Tayvan bilan aloqalarini rivojlantirib kelmoqda. Ha, u yerda har hil baholanishlar boʻlishi mumkin. Aytaylik shtatlarda oʻziniki, Xitoyda va Tayvanda ham oʻzlariniki mavjud. Shunga qaramay, Xudoga shukur hali munosabatlar “qaynoq mojarolar”ga yetib borganicha yoʻq.

• Rossiya
• Xitoy