Xilma-xil salatlar tayyorlash jarayonida eng ko‘p vaqtni lavlagi olishi barcha bekajonlarga tanish. Lavlagini me’yorida pishirib olish uchun ba’zan ikki yoki uch soat ham kamlik qiladi. Shu sababdan ayollarda lavlagili salat tayyorlash fikri tug‘ilganda, bir kun avval ishga kirishishni boshlaydi. 

Oshxonada tun-u kun yangilik va yengillik yaratishdan charchamaydigan xonimlar navbatdagi ixtironi amalga oshirdi. Unga ko‘ra, endi lavlagi pishirishga soatlab vaqt sarflamaslik mumkin.  

Albatta, bu bir necha bosqichdan iborat:
1. Lavlagini tayyorlash. Pishirish uchun o‘rtacha kattalikdagi lavlagilarni tanlab oling. Suv bilan yaxshilab yuvilgandan so‘ng, ularning ildizpoyalarini kesib oling.

2. Lavlagini qadoqlash. Mikroto‘lqinli pechda mahsulotlarni pishirish asosan, polietilen idishda amalga oshiriladi. Buning uchun maxsus pishiriq qadoqlash paketidan ham foydalanish mumkin. Lavlagini ana shunday paketlarga soling va bog‘lang.

3. Xavfsizlik choralari. Pichoq yordamida qadoqlangan lavlagi paketining bir nechta qismini teshib chiqing. Sababi, yig‘ilgan havo hisobiga paket yorilib ketishi mumkin, teshikchalar esa bunga yo‘l qo‘ymaydi. Buni aslo unutmang.

4. Lavlagini pishirish. Mikroto‘lqinli pech ichiga qadoqlangan lavlagilarni joylab, eng yuqori haroratni 5 daqiqa vaqtga mo‘ljallab o‘rnating.

5. Pishish vaqti lavlagi hajmiga bog‘liq. Agar lavlagi hajmi yirik bo‘lsa, pishirish uchun taxminan 10 daqiqa ketadi. Lavlagilar kichikroq bo‘lsa, mikroto‘lqinli pechning vaqtini 5 daqiqaga sozlang va tekshirib ko‘ring. Tekshirish jarayonida ehtiyot bo‘ling, qadoqlar juda issiq bo‘lishi tayin.

6. Lavlagini sovutish. Tayyor bo‘lgan lavlagilar katta harorat ostida pishgani uchun sovishi biroz qiyin bo‘ladi. Bu jarayonni tezlashtirishning yo‘li esa pishgan lavlagilarni sovuq suvga solib qo‘yishdir. 

Shunday qilib juda tez fursatda lavlagilar hozir-u nozir. Ko‘rib turganingizdek, hammasi oddiy va oson. Shuningdek, lavlagi tarkibidagi barcha foydali moddalar o‘zida saqlanib qoladi. Bunday foydali maslahatlarga amal qilish ham vaqtingizni, ham naqdingizni tejaydi.