Agar siz mashhur bo‘lishni istamasangiz va kontentingizni begonalar kuzatishidan qutulmoqchi bo‘lsangiz, o‘z profilingizni yopib qo‘ying. Shundan so‘ng, qo‘shilgan barcha ma’lumot hamda izohlar shu paytgacha sizga obuna bo‘lgan foydalanuvchilar va tasdiqlangan odamlargagina ko‘rinadi. Agar siz fotolaringizga heshteg qo‘ygan bo‘lsangiz ham chetdagi odamlar uni qidiruvdan topa olmaydi. Akkauntingizni yopib bo‘lgandan so‘ng xohlagan vaqti uni qaytadan ocha olasiz.

Mobil ilova orqali Instagram profilini yopish
Buning uchun “Sozlamalar” bo‘limiga kirib, undan “Maxfiylik” → “Akkaunt maxfiyligi” hamda “Yopiq akkaunt” buyruqlariga o‘ting. Sahifani qaytadan ochish uchun esa profilga kirib, “Sozlamalar” → “Maxfiylik” → “Akkaunt maxfiyligi” buyruqlar ketma-ketligini tanlab, “Yopiq akkaunt” yonida turgan “strelkacha”ni olib tashlang.

Instagram akkauntini sayt orqali o‘chirish

“Sozlamalar” bo‘limiga kiring: profilning o‘ng burchagida joylashgan bo‘lmachadan oltinchisiga tushing. Paydo bo‘lgan menyu orqali “Maxfiylik va xavfsizlik” bo‘limiga kiring va “Yopiq akkaunt” buyrug‘i yoniga belgi qo‘ying. Profilni ochish uchun “Sozlamalar”ga kirib, “Maxfiylik va xavfsizlik” bo‘limi ichiga kiring va “Yopiq akkaunt” buyrug‘i yonidagi belgini olib tashlang.

Instagram’da mualliflik profili yoki biznes akkauntini yopish
Agar siz odatiy profildan mualliflik profili yoki biznes akkauntiga o‘tgan bo‘lsangiz, bu sahifalarni yuqoridagi yo‘l bilan yopa olmaysiz. Ushbu turdagi akkauntlar o‘z brendini targ‘ib qiladigan ommaviy foydalanuvchilar uchun mo‘ljallangan. Akkauntni yopishning yagona yo‘li – bu oddiy profilga qaytish. Buni Instagram mobil ilovasi orqali amalga oshirish mumkin. Sozlamalardan “Akkaunt” → “Shaxsiy akkauntga o‘tish” buyruqlar ketma-ketligini bajaring va tizim ko‘rsatmalariga rioya qiling. Oddiy profilga o‘ting va keyin uni yuqoridagi ko‘rsatmalarga muvofiq yopishingiz mumkin.