Markaziy bankning Ichki valyuta bozori sharhida ma’lum qilinishicha, ushbu ko‘rsatgich o‘tgan yilning yanvar—noyabr oylariga nisbatan 25 foizga yoki 3,5 milliard dollarga ko‘p.

Birinchi yarim yilda O‘zbekistonga pul o‘tkazmalari 27 foizga oshib, 8,2 milliard dollarga yetgandi. O‘shanda pul o‘tkazmalarining 78 foizi Rossiya hissasiga to‘g‘ri keldi. Undan keyingi o‘rinlarda Qozog‘iston, AQSh, Janubiy Koreya, Turkiya, Buyuk Britaniya, Qirg‘iziston, Litva va boshqa davlatlardan pul jo‘natilgandi.

Markaziy bank ma’lumotlarida keltirilishicha, 11 oy davomida pul o‘tkazmalarining oylik hajmi notekis bo‘lgan. Eng yuqori ko‘rsatkich iyul oyida qayd etilib, o‘sha oyda mamlakatga 1,97 milliard dollar kirib kelgan. Keyingi oylarda pasayish kuzatilgan. Xususan, oktyabr oyida o‘tkazmalar 1,86 milliard dollarni tashkil etgan bo‘lsa, noyabrda bu ko‘rsatkich yana qisqarib, 1,48 milliard dollargacha tushgan.

2025-yil dekabrigacha transferlar miqdori:

– yanvar — 1,06 mlrd dollar;

– fevral — 1,07 mlrd dollar;

– mart — 1,21 mlrd dollar;

– aprel — 1,43 mlrd dollar;

– may — 1,64 mlrd dollar;

– iyun — 1,78 mlrd dollar;

– iyul — 1,97 mlrd dollar;

– avgust — 1,90 mlrd dollar;

– sentyabr — 1,83 mlrd dollar;

– oktyabr — 1,86 mlrd dollar;

– noyabr — 1,48 mlrd dollar.

• Markaziy bank
• Valyuta
• statistika