The Insider nashr bu haqda Belarus prezidenti matbuot xizmati bayonotiga tayanib xabar bermoqda.

Qayd etilishicha, siyosiy mahbuslarning ozod qilinishi Qo‘shma Shtatlar rahbari Donald Tramp bilan erishilgan kelishuvlar doirasida va uning iltimosiga binoan, shuningdek, Belarusning kaliyli o‘g‘itlar sanoatiga qarshi sanksiyalar bekor qilingani munosabati bilan amalga oshirilgan.

“Zerkalo” nashri ma’lumotiga ko‘ra, belaruslik huquq himoyachisi va Tinchlik bo‘yicha Nobel mukofoti sovrindori Ales Belyatskiy, shuningdek, Belarus prezidentligiga sobiq nomzod Viktor Babariko ozodlikka chiqqan. Shuningdek, Babarikoning shtabi advokati Maksim Znak va shtab rahbari Mariya Kolesnikova ham ozod etilgan.

“Shu bilan birga, Buyuk Britaniya, AQSh, Litva, Ukraina, Latviya, Avstraliya va Yaponiya fuqarolari ham ozod qilingan. Ozod etilganlarning barchasi Litva va Ukrainaga chiqarib yuborilgan”, – deya yozmoqda The Insider.

• Belarus
• ozodlik