“O‘zbekiston temir yo‘llari”AJ tomonidan Farg‘ona vodiysi aholisi hamda ushbu yo‘nalishda yo‘lga chiqadigan barcha yo‘lovchilarga yanada ko‘proq qulaylik yaratish maqsadida bugun – 2019- yil 22-dekabr kuni Toshkent – Qo‘qon – Toshkent yo‘nalishida yana bitta qo‘shimcha №98/97 sonli poyezd qatnovi yo‘lga qo‘yildi. 

№98 sonli Toshkent – Qo‘qon yo‘nalishida harakatlanadigan navbatdagi qo‘shimcha poyezd bugun soat 13:30 da Toshkent Janubiy vokzalidan jo‘natildi, soat 18:45da Qo‘qon vokzaliga qabul qilinadi. 
 
Shuningdek, №97 sonli Qo‘qon – Toshkent yo‘nalishida harakatlanadigan poyezd bugun soat 19:30da Qo‘qon vokzalidan jo‘natiladi va tungi soat 00:10da Toshkent-Janubiy vokzaliga etib keladi. 

Qo‘shimcha ma’lumot sifatida ta’kidlash joizki, Toshkent – Angren – Orzu – Pop vokzallari o‘rtasida harakati yo‘lga qo‘yilgan shaharlararo poyezdlar ham qatnovini amalga oshiradi. 

IZOH: Mazkur yo‘lga qo‘yilgan qo‘shimcha poyezdlarda Qamchiq dovonida noqulay ob-havo tugaguniga qadar yo‘lovchilarga xizmat ko‘rsatiladi. Ushbu qo‘shimcha poezdlar Toshkent – Andijon – Toshkent yo‘nalishidagi mavjud yo‘lovchi poezdlar harakat jadvaliga ta‘sir etmaydi.