Shu yili oktabr oyida Layza Vud Detroytdagi tashlandiq uyning 15 ta xonasini 100 mingga yaqin gullar to‘ldiradi. Gullar bo‘yicha mutaxassis Vud ikkita mulk uchun 500 dollar to‘lagan, bu yerdagi foto suratlar may oyida olingan, uylarning biri 48 soat davomida 4000 ta gul bilan to‘ldirildi.

Uning gul bilan to‘lgan uy loyihasi Parijdagi 9-ko‘prikdan ilhomlanib yaratilgan. 

“Maqsad tashlandiq binolarni gullar o‘sadigan joylarga aylantirish, ularning vayrona ko‘rinishidan go‘zal manzara yaratish, tashlandiq joylarni san'at va biznes platformasi sifatida taqdim etish va atrof-muhitga javobgarlikni xis qilgan holda, ulardan oqilona foydalanishdan iborat”, - deydi Vud.

“Men Kristo va Jan-Klaudlarning ishlarini yoqtiraman, biroq men bu ishtiyoqimni qanday aks ettirishimni bilmay yurganimda, 2012 yilda Diorning Parij chekkasida tayyorlangan suratlarini ko‘rib qoldim”, - deydi Vud. 

Binoning ichki qismida tartibsizlik hukmron edi

“Mening birinchi g‘oyam mahalliy muzeyda ana shunday san'at asarini yaratish edi, biroq keyinchalik u men istagan darajada “odamni o‘ziga jalb etadigan” bo‘lmasligi ma'lum bo‘ldi”.

48 soat vaqt ichida 4000 ta gul bilan uyni qaytadan jonlantirdi

“Detroytda yashasangiz, ko‘plab tashlandiq binolarni uchratasiz va bir kuni men ularga ilhom manbai sifatida qaray boshladim. Bu fikr esa menga shahar auksionida ishtirok etishimdan biroz avval kelgan edi”.

“Albatta, bu loyihani yaratish uchun kutilmagan joy edi. Hayolimda bir necha yillardan beri jonlangan san'at asarini yaratish joyi diqqatimni oldi. Tashlandiq uyni tozalayotgan paytimda gullar bilan bezatilgan uy loyihasi ko‘z oldimga keldi”.

“Bu uch qismdan iborat reja: uy dam olish kunlarida gullar bilan to‘ldirildi, mahalliy kompaniya bilan amalga oshirilayotgan buzish rejasi 75 foiz qurilish materiallardan qayta foydalanishni nazarda tutardi, keyin esa bu yerda gullarni yetishtiradigan ferma, ular uchun quti va tuvak ishlab chiqaradigan joyga tashkil etish mo‘ljallangan”.

“Men ko‘plab floristlar bilan uchrashdim, ular mazkur loyihani ishtiyoq bilan amalga oshirishyapti. Bu meni yanada ruhlantirmoqda”.

Yaratuvchanlik insonlarga xos bo‘lgan ezgu xususiyatlardandir. Mazkur loyiha ham aynan shu g‘oyani o‘zida aks ettirmoqda. Nima deb o‘ylaysiz, biz bunda betakror bo‘lgan qanday loyihalarni amalga oshirishimiz mumkin?