Amerikaning US News jurnali Rossiyani “qudratli davlatlar“ reytingida ikkinchi oʻringa qoʻydi. Birinchi va uchinchi qatorlarni AQSh va Xitoy egalladi.

Reytingni tuzishda YaIM, aholi soni va aholi jon boshiga YaIM toʻgʻrisidagi maʼlumotlar hisobga olingan. Nashrning taʼkidlashicha, qudratli davlatlar roʻyxatiga “yangiliklarda ustunlik qiladigan, siyosiy maydonda taʼsir koʻrsata oladigan va global iqtisodiy modellarni shakllantirishda muhim rol oʻynaydigan” davlatlar kiritilgan.

Reyting quyidagicha ko‘rinish olgan:

AQSh (YaIM - 19,4 trillion AQSh dollar);

Rossiya (YaIM - 1,6 trillion dollar);

Xitoy (YaIM - 12,2 trillion dollar);

Germaniya (YaIM - 3,7 trillion dollar);

Buyuk Britaniya (YaIM - 2,6 trillion dollar);

Fransiya (YaIM - 2,6 trillion dollar);

Yaponiya (YaIM - 4,9 trillion dollar);

Isroil (YaIM - 350,9 milliard dollar);

Saudiya Arabistoni (YaIM - 683,8 milliard dollar);

Janubiy Koreya (YaIM - 1,5 trillion dollar).

80 mamlakatdan tuzilgan roʻyxatning soʻnggi uch oʻrnini Sloveniya, Latviya va Estoniya egalladi.