Misr shahrida Xalqaro elektraloqa Ittifoqi (XEI)ning 2019-yilgi Butunjahon radioaloqa konferensiyasi (BRK-19) bo‘lib o‘tdi, deya xabar beradi Axborot texnologiyalari va kommunikatsiyalarini rivojlantirish vaziri matbuot xizmati.

Ushbu konferensiya doirasida O‘zbekiston Respublikasi Axborot texnologiyalari va kommunikatsiyalarini rivojlantirish vaziri Shuhrat Sodiqovning, Xalqaro elektraloqa Ittifoqi Bosh kotibi Houlin Chjao bilan  uchrashuvi bo‘lib o‘tdi.

Xalqaro elektraloqa Ittifoqi va Axborot texnologiyalarini rivojlantirish vazirligi o‘rtasidagi hamkorlikni rivojlantirish va hamkorlik ishlarini yanada kengaytirishga qaratilgan masalalar muhokama qilindi. 

Uchrashuvda, IT-Park huzurida “Yosh avlodning robotоtexnik markazi”ni tashkil etish muhokama qilindi. 

Shu bilan birga, Axborot texnologiyalari va kommunikatsiyalarini rivojlantirish vazirligi va Xalqaro elektraloqa Ittifoqi o‘rtasida grantlar hisobiga moliyalashtiriladigan loyihalarni amalga oshirish bo‘yicha hamkorlikni yanada kengaytirish uchun qo‘shma deklaratsiya qabul qilindi. 

O‘zbekiston Respublikasi IT-Park huzurida “AKT  sohasida ayollar va yosh avlodning, tadbirkorlik va davlat boshqaruvida malakasini oshirish markazi”ni tashkil etish bo‘yicha XEI tomonidan grand yordamini ajratish to‘g‘risidagi bitim imzolandi. 

Xabardor.uz