Xalqaro Qizil xoch va Qizil yarim oy kuni Shveysariya gumanisti, Qizil xoch asoschisi va Nobel mukofoti laureati Genri Dyunanning tug‘ilgan kuni sharofati bilan har yili 8-may kuni nishonlanadi. Quyida qizil xoch va Qizil yarim oy jamiyati va uning urushga ta’siri haqida foydali ma’lumotlarni keltirib o‘tamiz.

• Xalqaro Qizil xoch va Qizil yarim oy jamiyatiga Shveysariyada asos solingan. Bu jamiyat halokat qurbonlariga yordam berish, jamiyatning yordamga muhtoj qatlamlariga har tomonlama ko‘maklashish, birinchi yordam ko‘rsatish bo‘yicha o‘quv-mashg‘ulotlarini tashkil qilish vazifalarini bajaradi. Shuningdek, ushbu jamiyat Xalqaro inson huquqi bo‘yicha bilimlarni tarqatish, qurolli to‘qnashuvlar davrida esa harbiy tibbiyot xizmatchilariga ko‘maklashish vazifalarini ham bajaradi.

• Ushbu jamiyatning belgisi – Shveysariya bayrog‘i ranglarining teskari ko‘rinishidir (Shveysariya bayrog‘ida qizil rangga oq xoch belgisi chizilgan).

• “Qizil xoch” va “Yarim oy” belgilarining vazifa jihatidan hech qanday farqi yo‘q. Lekin ko‘p davlatlar yarim oy belgisini tanlagan. Hozirda juda ko‘p davlatlarda milliy xalqaro Qizil yarim oy jamiyatlari tashkil qilingan. Bu jamiyatlar o‘z davlatlarining muammolarini bartaraf etishga ko‘maklashib, davlat rivojlanishiga hissasini qo‘shib kelmoqda.

• 1859-yil shveysariyalik yozuvchi Genri Jan Dyunan jang maydonida hech kim e’tibor bermayotgan 40000 nafarga yaqin askarga ko‘zi tushadi va yaradorlarga yordam beradigan tashkilotga ehtiyoj borligiga amin bo‘ladi. U ushbu g‘oyani barcha Yevropa sudlariga chiqara boshlaydi va uning sa’y-harakatlari muvaffaqiyat bilan yakunlandi.

• Qizil xoch va Qizil yarim oy vakillari qurolli mojarolarda taraflarni olishmaydi va siyosiy, irqiy, diniy yoki mafkuraviy tusdagi nizolarda qatnasha olmaydi. Qizil xoch va Qizil yarim oy timsoli tibbiyot vositalarini, masalan, tibbiy transport vositalari yoki shifoxona binolarini harbiy maqsadlarda qo‘llanilmaguniga qadar himoya qiladi.

• Ikki yil ichida Qizil xoch va Qizil yarim oy jamiyati 10 ga yaqin mamlakatda ochilgan.

• Qizil xoch va Qizil yarim oy jamiyati har yili 70 mingdan ortiq favqulodda vaziyatlar va tabiiy ofatlar qurbonlariga yordam beradi.

• Kuniga 19000 nafarga yaqin inson Qizil xoch va Qizil yarim oy jamiyati tomonidan shoshilinch tibbiy yordam oladi.

• Bugungi kunda butun dunyo bo‘ylab, Afg‘onistondan Zimbabvegacha bo‘lgan 186 ta milliy Qizil xoch va Qizil yarim oy jamiyati mavjud.

• Ushbu jamiyatda 97 milliondan ortiq ko‘ngilli ishlaydi va ularning qariyb 50 foizini ayollar tashkil etadi.

Guljahon Sanjarbekova tayyorladi