O‘zbekistonda 2025-yil boshidan beri qarzlar tufayli 20,2 ming jismoniy va yuridik iste’molchi suv ta’minoti tizimidan uzildi. Bu haqda “O‘zsuvta’minot” matbuot xizmati rahbari Akmal Murodov xabar berdi.

Bundan tashqari, ushbu davrda kompaniya va uning mintaqaviy korxonalari nazorat organlari bilan birgalikda suv ta’minoti va kanalizatsiya tizimiga noqonuniy ulanishning 2285 ta holatini aniqladilar. 

49 ming iste’molchiga nisbatan sodir etilgan barcha huquqbuzarliklar yuzasidan mutaxassislar fuqarolik va xo‘jalik sudlariga 165,9 mlrd so‘m miqdoridagi hujjatlarni taqdim etdilar. Ushbu ishlarni ko‘rib chiqish natijalariga ko‘ra sudlar umumiy qiymati 55,2 mlrd so‘mlik 21,4 mingta qaror chiqargan. Hozirgi vaqtda huquqni muhofaza qilish idoralari majburiy ijro byurosi bilan birgalikda majburiy yig‘ish ishlarini olib bormoqda.

• O‘zbekiston
• Suv
• qarzdor