Amerikaning kashf etilishi bilan bogʻliq qiziqarli maʼlumotlar yetarlicha. 1492-yilning 3-avgust sanasida taniqli dengizchi Xristofor Kolumb tomonidan “Yangi dunyo”ga ilk sayohat boshlangan. Kolumb bu yerga toʻrt marta ekspeditsiya uyushtirgan, u Hindiston bilan savdo qilish uchun qisqaroq yoʻlni izlab, topmoqchi boʻlgan.

• Kolumb tomonidan “Yangi dunyo”ga uyushtirilgan ilk sayohat 1492-yilning 3-avgust kuni boshlangan. Dengizchi “Santa-Mariya”, “Pinta”, “Ninya” kemalari va 90 nafar hamroh bilan Ispaniyaning Palosa-de-la-Frontera shahridan chiqib ketgan. U Kanar orollaridan gʻarbga qarab burilgan, Atlantika okeanini kesib oʻtgan, 1492-yilning 12-oktyabr kuni Bagamadagi San-Salvador oroliga yetib kelgan. Aynan mana shu sana Amerika kashf etilgan rasmiy kun hisoblanadi. 14-24-oktyabr kunlari Kolumb Bagama orollarining boshqalariga ham borib koʻrgan, 5-dekabr kuni Kubaning shimoli-sharbiy sohillarini kashf qilgan. 6-dekabr kuni Gaiti orollariga yetib borgan. Kolumb kemasi 15-mart kuni Kastiliyaga qaytgan va 1-ekspeditsiya rasman yakunlangan.

• Kolumb hayotining soʻnggi kunlariga qadar Osiyoning sharqiy qirgʻoqlariga borganiga ishongan, aslida esa undan 15 ming kilometr uzoqlikda boʻlgan. Kolumb davrida Yer sharining dumaloq ekanligi aniq boʻlgan, ammo uning oʻlchami haqidagi tasavvurlar aniq emasdi. Kolumb shoyi matolari hamda ziravorlari bilan sayohatchilarni jalb qiluvchi Xitoy va Hindistonga olib boradigan qisqa yoʻlni topmoqchi boʻlgan.

• Dengizchi Ispaniya qiroli va qirolichasini, olimlar va maslahatchilarni ekspeditsiya tashkil qilishga koʻndirish uchun 7 yil vaqt sarflagan. Avvaliga unga hech kim ishonmagan. Saroy olimlari gʻarbga suzib, uzoq Sharqdagi yerlarga yetib olish mumkinligini tushuna olmaganlar.

• Kolumbning kemadagi hamrohlari jazo muddatini oʻtayotgan mahkumlar boʻlishgan. Boshqa hech kim xavfli sayohatga chiqishni istamagan. Axir, oldinda ularni nimalar kutayotgani haqida hech kim bilmasdi.

• Kolumbga taqdim etilgan uchta kema: “Santa-Mariya” (40 metr) , “Ninya” (20 metr) va “Pinta” (20 metr) oʻsha davrlar uchun juda kichik boʻlgan. Ularga 91 kishini sigʻdirish oson ish emasdi. Misol uchun, shaxsiy yotoq joyi faqatgina Kolumbda, kema kapitanlari va guruhning bir nechta aʼzolaridagina boʻlgan, xolos. Dengizchilar qutilar ustida navbatma-navbat uxlab olishgan.

• Kolumb kashf etgan hududi Hindiston ekanligiga qattiq ishongan va bu yerlik aborigenlarni hindular deb atagan.

• Dengizchi Ispaniyaga yevropaliklar uchun nomaʼlum boʻlgan mahsulotlar, jumladan makkajoʻxori, pomidor va kartoshkani olib kelgan. Amerikada esa Kolumb sharofati bilan uzum, ot va sigirlar paydo boʻlgan.