Bugun, 13-may kuni soat 10:30 dan 11:00 gacha bo‘lgan oraliqda Toshkent metropolitenining Chilonzor yo‘nalishi “Buyuk Ipak yo‘li” metro bekatidagi yo‘lovchilar “Amir Temur xiyoboni” bekatiga qadar o‘z yo‘nalishiga teskari harakatlangan poyezdlarda yetkazilgan.
Holat bo‘yicha “Toshkent metropoliteni” UK izoh berdi.
Unga ko‘ra, Toshkent metropolitenining Chilonzor yo‘nalishida texnik-profilaktika ishlari olib borilishi munosabati bilan soat 10:30 dan 11:00 gacha poyezdlar aylanmasi “Amir Temur xiyoboni” bekatiga amalga oshirilgan.
Poyezdlar Sergeli yo‘nalishining “5-bekat”dan “Amir Temur Xiyoboni” bekatigacha grafik asosida harakatlanib, “Amir Temur Xiyoboni” bekatidan “Buyuk Ipak yo‘li” bekatigacha poyezdlar bir tomonlama harakatlangan.
Hozirda poyezdlar o‘rnatilgan tartibda va xarakat jadvaliga asosan harakatlanayotgani ma’lum qilingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!