“Bola huquqlarining kafolatlari to‘g‘risida”gi Qonunga o‘zgartirishlar kiritildi. Bu haqida adliya vazirligi xabar bermoqda.

Kiritilgan o‘zgartirishlarga ko‘ra davlat bolaga nisbatan ekspluatatsiya va zo‘ravonlikning barcha shakllarini oldini olish, ekspluatatsiya va zo‘ravonlikka duchor bo‘lgan bolalarga zarur pedagogik, psixologik, tibbiy, yuridik yordam ko‘rsatish bo‘yicha choralar ko‘radi.  

Shuningdek, davlat sudga qadar ish yuritishning va sud muhokamasining barcha bosqichlarida bolalarning barcha protsessual huquqlariga rioya etilishi hamda bu huquqlar kafolatlarining ta’minlanishi bo‘yicha choralar ko‘radi.

Hozirga qadar “Bola huquqlarining kafolatlari to‘g‘risida”gi qonunda mazkur normalar nazarda tutilmagan edi.