Bugun, 30-yanvar kuni Toshkentdagi “Hyatt Regency” mehmonxonasida “Yuridik amaliyotda xalqaro tendensiyalar: ingliz umumiy huquqini qo‘llash” mavzusida xalqaro konferensiya bo‘lib o‘tdi. 

Tadbirda hamkorlikda Toshkentda Xalqaro huquq universitetini tashkil etish, ingliz huquqini chuqurroq o‘rganishni ta’minlash va bu orqali milliy huquq tizimimizga ingliz huquqining ijobiy jihatlarini tatbiq etish, mamlakatimizga xalqaro standartlarning kirib kelishi va yuridik ta’lim sifatini oshirish imkoniyatini yaratishi xususida takliflar bildirildi.

Shuningdek, tadbirda Huquq universiteti (University of Law – ULaw) rektori Andrea Nollent, Adliya vaziri o‘rinbosari – Toshkent davlat yuridik universiteti rektori, Bosh prokuratura akademiyasi boshlig‘i Yevgeniy Kolenko va boshqalar yuridik amaliyotni takomillashtirish, eng avvalo, yetuk yuridik kadrlarni tayyorlash bilan bog‘liqligini, yuridik ta’lim sohasida keng ko‘lamli islohotlar olib borish zarurligi bo‘yicha fikr-mulohazalar bildirdi.