Shifokor-dietolog Marina Apletayeva jigarning yaxshi ishlashi uchun to‘g‘ri ovqatlanish qoidalariga amal qilish lozimligini aytdi. 

Tarkibida oqsil mavjud bo‘lgan yeguliklar, sabzavot, meva hamda don-dun mahsulotlari jigar uchun o‘ta foydalidir. Tovuq, kurka va quyon go‘shtini ham ushbu mahsulotlar qatoriga kiritish mumkin. 

Dietologning aytishicha, kundalik taomnomada zig‘ir, kungaboqar va zaytun yog‘lari bo‘lishi zarur. Ular nafaqat jigar, balki tanadagi boshqa a’zolar ishiga ham ijobiy ta’sir ko‘rsatadi.